STÈIJ DE CONPÔZRI D CHAUNT EN GALO
BANI L' 2 D JULHÈT 2023
Pourr la p·rmiërr fae, l-z Assembllées Galèzes ·rçeven Bèrtran Ôbrée pourr in stèij de fezri d chaunt en galo.
S'ENLISTË
Lé datt : Le stèij qëmenç le jeûdi 20 d julhët 2023 a 14·00 e i s fini l’samdi 22 d julhët.
L'endrët : Concorèt (56).
Liviô : Tout lé liviao, pourr le graund mondd.
Pourr qhi : Pourr tout l’mondd qhi vourein creyë dé chaunt en galéez, n’inportt yeû liviô den l’parlement e lé sortt de muziq e d pouètri q’il emen.
Program : Le stèij meleyra dé contnu tioriq e dé monment d fezri pourr se mëtt a creyë dé chaunt en galéez :
- Parfètë l’galéez : lé fondment su la parfètri ; etudd pu poussée su qhoq son espeçiao du galéez ; s bingnë den lé son parr le chaunt.
- La « prôzodi » : fèrr se raportë l’èrr e lé parol ; ecrirr dé parol q’en va bin wi ; s sèrvi d’in patron.
- L’èrr : creyë ënn èrr ; rajustë ënn èrr pourr le galéez…
- Lé parol : dvinë in tecç ; se sèrvi d consign d’ecriturr ; jouë wo lé son e lé signifiaunç ; ·rnotë pourr ·rdon·në.
Lé monment a chauntë, sa s fra surtout rin q’a la vouéz.
Lé cheûzz a amnë :
- De ca enmenbrë.
- Du papiër e dé creyon pourr ecrirr.
- İn tapisson pourr pouvaer fèrr dé-z egzèrçiç de cors.
- Pourr le mondd qhi srein son·nouërr ou son·nou : voutt muziq si sa nn avée bzein pourr creyë d-z èrr ou bin si s’ée vrae lië a voutt façon a vou d chauntë.
- Si vou vlée, dé fzurr a vou ou bin du dmënn publiq : ënn èrr pourr mëtt dé parol dëssu ; du tecç en galéez pourr mëtt en muziq ; in chaunt den in·n aotr parlement pourr rajustë en galéez ; in chaunt qe v-z avée deja fèt en galéez.
